ПРЕКРАСНО МЕСТО ЗА ОДМОР ЗА СИТЕ МЛАДИ

Кога младите одбираат дестинација за своето летување, ретко си дозволуваат да експериментираат и најчесто се одлучуваат за место за кое што слушале многу пофалби од нивни познаници. Недоволната информираност често знае да биде клучен фактор за непосетување на нови и помалку познати дестинации. Тезата која во туризмот е докажана повеќе пати – “Колку подалеку – толку поевтино“, за патниците сеуште звучи неверодостојно. Затоа во продолжение ќе наведеме пример за летна дестинација која ја поткрепува наведената теза.

Островот ИОС за многу кратко време стана доста популарен кај младите, а голем дел од нив имаат погрешна визија за тоа што ги очекува таму. Фактот што островот изгледа различно од останатите грчки острови и неговата голема оддалеченост, не значи дека ИОС е недостижна дестинација за младите.

Единствените грижи на младите, при планирање на летниот одмор, се цените на храната, кафето и другите пијалоци во клубовите и кафулињата. Цените на овој остров се исти, во некои случаи и пониски од цените на останатите грчки острови, како на пример најпосетуваните Закинтос и Крф.

Во продолжение разгледајте ги цените на основните намирници на овој остров.

– Просечна цена на кафе е од 1.5 до 2 евра.

– Сокови од 2 до 3 евра.

– Цената на пивото во маркетите изнесува околу 1.3 евра по лименка од 0.5 литри, па често е исплатливо да се купат  пакети кои се на промоција.

– Цената на пивото во локалите е од 3 до 4 евра во зависност од тоа каков тип на пиво ќе одберете.

– Точеното пиво просечно чини околу 3.5 евра.

– Цените на коктелите се во просек околу 5 евра со тоа што често се случува happy hour па можете да платите два коктела за 6 евра или да купите шот за 1 евро.

– Гирото чини околу 2.5 евра

– Цената на суфлаки е приближно иста како цената на гирото и варира во зависнот од ресторанот.

– Тајландската кујна е доста актуелна на островот, каде оброците можат да се најдат по цени од околу 7.5 евра.

– Цените на овошјето и зеленчукот се доста слични со цените во Македонија

– Цените на најосновните намирници кои важат за цела Грција : леб 1.5 евра ; млекото е поевтино од јогуртот и чини од 1 до 2 евра, додека грчкиот јогурт е доста сличен на кисело млеко и чини околу 2 евра.

– Каде и да се упатите на одмор во Грција важи истото правило – водата од водоводните инсталации не е препорачлива за пиење. Цените на флаширана вода во маркет изнесуваат околу 3 евра за пакет од 6 шишиња, а во локал да купите шишенце флаширана вода за најмногу едно евро.

Накратко, тоа се цените на продуктите кои најчесто се користат за време на летниот одмор. Она што изгледа необично и луксузно, не значи дека е недостижно. Според цените може да се заклучи дека потребниот буџет за летување е ист како за било која друга дестинација во Грција, сепак летниот одмор на овој остров може да изгледа тотално поинаку и да понуди многу нови и воздбудливи доживувања.

Извор: Ајденаодмор.мк!

 

СИЛЕН ЗЕМЈОТРЕС ЈА СТРЕСЕ ЈУГОЗАПАДНА МАКЕДОНИЈА

Силен земјотрес со интензитет од 4.1 степен според Рихтеровата скала ја стресе југозападна Македонија денес во 15:10 часот. Епицентарот на земјотресот се наоѓа на само 8 километри западно од Ресен.

Земјотресот се случи на 5 километри длабочина. Засега нема информации за евентуални штети.

Два СИЛНИ земјотреси синоќа во југозападна Македонија

Два земјотреси кој спаѓааат во категоријата на ПОСИЛНИ синоќа ја погодија југозападна Македонија, првиот земјотрес се случил точно во 02:00 часот со интензитет од 3.7 степени според Рихтеровата скала и истиот се случи на 5 километри длабочина. Шест часа подоцна или поточно во 08:00 часот утринава уште еден земјотрес почувствуван во овој дел на државава со интензитет од 2.7 степени според Рихтеровата скала и истиот се случи на 2 километри длабочина.

Епицентарот на овие земјотреси се наоѓа на само неколку километри источно од Охрид.

АНАЛИЗА ЗА СТРАШНОТО НЕВРЕМЕ КОЕ ЈА ЗАФАТИ ДРЖАВАВА

Почитувани граѓани изминатиов период сме сведоци на чести но и силни невремиња кои направија големи штети врз земјоделството низ Република Македонија, исто така сме сведоци на локални поројни поплави предизвикани од поројните врнежи од дожд кои во делови од државава за само неколку часа достигнаа дури и месечна количина на вден талог, локално излевање на реките во државава како и проблеми со електричната енергија но и дефекти на домашните уреди поради силните грмежи кој се сличија изминатиов период.

Зошто ни се случуваат ваквите невремиња? Горниот дел на атмосферата значително се загрева поради јачината на ултра виолетовите здраци, кога од север ќе наиде малку постуден воздух на загреана атмосфера и исполнета со енергија тогаш доаѓа до судир на топол и студен воздух. Што точно предизвикува сево ова? Доаѓа до формирање на олујни системи и конвективна облачност која со себе носи интензивни поројни врнежи од дожд, силни електрични празнења, силен ветер и град. Токму ова и тоа како може да предизвика проблеми со врнежите однасно локални поројни поплави. Мора да бидеме реални пред сите вас дека ваквите силни невремиња од година на година стануваат се почести и посилни.

За евентуално приближување на ново невреме од наша страна како и секогаш навремено и најпрецизно ќе бидете информирани. 

За нови и детални информации следете го официјалниот фејсбук профил на СЛАВЧО ПОПОСКИ

 

СТРАШНО: МНОГУ БЛИСКА СРЕДБА СО ГРОМ

Страшното невреме во изминатиот период што ја зафати Македонија предизвика многу штети врз земјоделието поради интензивните врнежи од град кои се појавија на повеќе места низ државава. Покрај тоа проблем правеа и локалните поројни поплави но и силните грмежи кои во неколку градови предизвикаа дефекти на домашните уреди.

Полека но сигурно од година на година за жал невремињата се се почести и посилни и прават многу штети.

Следните две фотографии доаѓаат од Свети Николе кад есе работи за многу блиска средба со удар на гром кој е фотографиран од страна на граѓанин на овој град:

Токму ова се случуваше на 8 овој месец.

За нови и детални информации следете го официјалниот фејсбук профил на СЛАВЧО ПОПОСКИ

 

НАГЛИТЕ ПРОМЕНИ НА ВРЕМЕТО ОПАСНИ ВРЗ ЗДРАВЈЕТО НА ГРАЃАНИТЕ

Биометеоролошка прогноза БР.4 на СЛАВЧО ПОПОСКИ: За време на овој викенд веќе најавената позначителна но и брза промена на временската состојба кај нас ќе донесе и многу неповолна биометеоролошка прогноза кај нас. Кај метеопатите ќе се јават позначителни проблеми односно: Главоболки, болки во коските и на старите рани, повремена нервоза и несоница. Ваквите нагли промени на времето од топло во ладно и обратно се многу лоши врз здравјето на граѓаните и кај дел од нив може да создадат дури и позначителни здравствени проблеми па поради тоа доколку граѓаните осеќаат некој поголем здравствен проблем задолжително да се обратат кај својот лекар за совет.

 

Земјотрес почувствуван во Скопје

Рано изутринава во 6:07 часот во Скопје е почувствуван послаб земјотрес со интензитет од 2.6 степени според Рихтеровата скала. Епицентарот на земјотресот е на 12 км северозападно од градот и се случи на длабочина од 10 км.

Кај нас НЕВРЕМЕ а во Калифорнија зимата и снегот не попуштаат

Невообичаена зимска бура за овој дел од годината донесе снег на Сиера Невада во Калифорнија, што овозможи љубители на симски спортови да скијаат во очекување на летото.

Во Скво Вали бурата нанесе околу 10 см снег на повисоките места, што одушеви скијачи.

– Дефинитивно е убаво, изјави портпарол на одморалиште и додаде дека план е скијалиштето да биде отоворено додека има снег.

– Можно е таквото време да трае до крајот на јули или можеби и август. Снег во јуни е реткост, но не и неочекувано, велат метеоролози.

За нови и детални информации околу временската состојба кај нас следете го официјалниот фејсбук профил на СЛАВЧО ПОПОСКИ

 

Месец Мај во Македонија малку постуден од вообичаеното

Изминатиот месец *Мај* во Македонија помина во знакот на малку постуден месец од вообичаеното и тоа некаде за 1 степен што воопшто не е некое отстапување на температурите на воздухот. Во остатокот на Балканот и во Европа истиот месец помина во знакот околу или малку над просекот гледано по температурите додека настудено беше во североисточните предели на Европскиот Континент.

За нови и детелни информации следете го официјалниот фејсбук профил на СЛАВЧО ПОПОСКИ

 

ЗА 48 ЧАСА ДУРИ РЕЧИСИ 500 000 УДАРИ НА ГРОМОВИ!

Големата нестабилност која последните два дена го зафати Балканскиот Полуостров, југозападна и западна Европа предизвика премногу голем број на удари громови па така истиот изнесува дури близу 500 000 удари. Овие денови овие предели се зафатени од големо невреме кое е проследено со поројни дождови, силни ветрови, силни грмежи и врнежи од град и токму ова невреме предизвика хаос во делови на Балканот и проблеми со електричната енергија како и проблеми со домашните уреди на граѓаните.

Во делови на Балканот веќе падна огромна количина на воден талог која е вообичаена за цел месец и истата предизвика локални поројни поплави а во делови на Балканот поточно во Србија автомобилите пливаа во водата предизвикана од поројните врнежи од дожд. Нестабилното време ќе продолжи и понатаму во следните неколку денови.

За нови и детални информации поврзани околу временската состојба во државава следете го официјалниот фејсбук продил на СЛАВЧО ПОПОСКИ