Во текот на денешниот ден локално зголемена облачност

Во текот на денешниот ден воздушниот притисок во Македонија ќе бележи тенденција на пораст па со тоа ќе услови за имаме претежно суво време.

Времето ќе биде умерено облачно со сончеви периоди коои особено во јужните и во југоисточните предели ќе бидат значително подолги. Локално пак ќе има и постачителна облачност. Во северозападните планински предели не се исклучува можноста за слабо провејување на снег.

Ќе дува слаб до умерен ветер од северен правец.

Максимланата температура на воздухот ќе се искачи во интервалот од 5 до 14 степени.

Подготви: СЛАВЧО ПОПОСКИ!

 

Постудено утро – пријатен ден

Во текот на утрешниот ден (08.02.2017) водушниот притисок во Македонија ќе бележи тенденција на пораст што ќе услови утре времето да биде умерено облачно со сончеви периоди кој ќе бидат значително почести во јужните предели. Ќе дува слаб до умерен ветер од северен правец кој Долж Повардарието ќе се засилува.

Во северозападните планински предели не се исклучува можноста за сосема слабо провејување на снег.

Минималната температура ќе се спушти во интервалот од -5 до 3 степени.

Максималната температура ќе се искачи во интервал од 5 до 13 степени.

Подготви: СЛАВЧО ПОПОСКИ!

 

Циклонска активност и влажен воздушен бран (погледнете ги наврнатите количества на дожд)

Територијата на Македонија веќе напоменавме дека е под влијание на циклонска активност и на влажен воздушен бран од Медитеранот кој од запад се премести кон истокот од државава и донесе врнежи од дожд додека на планините и на некои од повисоките места паѓаше снег.

Мерните станици на Управата за Хидрометеоролошки работи (УХМР) утринава ги измери следните количества на наврнат воден талог:

4 Гевгелија, Прилеп, Маврово, 5 Скопје, 6 Куманово, Тополчани, Д. Капија, Претор, Дебар, Струмица, 7 Ѓуриште, 8 Штип, Битола, Крушево, 9 Охрид, 10 Тетово, 11 Кр. Паланка, 12 Пожаране, 22 Берово, 24 Дојран.

Висина на снежна покривка (07.02.2017)

5 Берово, 6 Тетово, 7 Ѓуриште, 26 Маврово.

Следната фотографија доаѓа од Попова Шапка:

Фото: Skimacedonia.mk

 

МАЛКУ ПОСВЕЖО НО СЕПАК РЕЛАТИВНО ТОПЛО ВРЕМЕ

Влажниот воздушен бран кој вчера брзао помина од запад кон исток донесе нови врнежи од дожд додека на повисоките планини паѓаше снег. Утринава врнежите се преместени во источната половина од државава каде има локални врнежи.

Денес (07.02.2017) и понатаму територијата на Македонија ќе биде под влијание на циклонска активност која ќе услови променливо облачно време со сончеви периоди. Локално ќе има и позначителна облачност а ќе има и послаби врнежи од дожд на ниските и снег на планините. Во источните и во крајните западните предели не се исклучува можноста врнежите да бидат во умерен интензитет.

Во текот на денот ќе биде тивко додека доцна попладне и навечер ќе дува слаб до умерен ветер од северен правец кој Долж Повардарието и на планините повремено ќе се засилува.

Максималната температура на воздухот денес ќе се искачи во интервалот од 6 до 12 степени.

Во доцните вечерни и ноќни часови кон утрешниот ден (среда) не се исклучува можноста за локално и слабо проврнување на дожд и снег или влажен снег на пониските и снег на повисоките места и на планините.

Подготви: СЛАВЧО ПОПОСКИ!

 

Славчо Попоски: Метерологијата е моја најголема љубов

Славчо Попоски е млад амбициозен стружанец кој безрезервно се посветува на меторологијата. Предвидувањата за временските состојби се негова страст. Strugaonline го консултираше околу временските прилики кои следуваат, но и за неговите почетоци и идни планови во кариерата.

Strugaonline: Станавте познат за јавноста после Вашата прогноза за поплавите кои го зафатија Скопскиот регион минатата година, но да се вратиме на почетокот. Кога почнавте да покажувате интерес за метерологијата?

Славчо Попоски: Отсекогаш се интересирав за оваа наука, но интензивно се посветив и почнав да работам пред околу пет години. Мојата голема желба ми помогна да совладам се што е потребно за успешно да можам да ги предвидувам временските состојби, но не постигнав се сам. Благодарен сум на мојот пријател од Босна и Херцеговина кој многу ми помогна.

Strugaonline: Со оглед на тоа дека планираш професионално да се занимаваш со оваа професија, претпоставувам насочен си кон едукација и соодветно образновани кое ќе ти донесе диплома – дипломиран метеоролог?

Славчо Попоски: Секако, образованието ми е важно и планирам максимално да се посветам на учење кое ќе вроди со плод и ќе добијам диплома која ќе ги оправда сите мои прогнози и трудот кој го вложувам.

Strugaonline: Откако ги предвиде поплавите кои за жал минатата година го зафатија скопскиот регион, што се смени во твојот живот. Имаш ли понуди за работа.

Славчо Попоски: Таа прогноза многу ми помогна и ми овозможи контакти и соработка со повеќе медиуми. Ова е професија од која може да се живее, задоволен сум.

ЕКСКЛУЗИВНО ИНТЕРВЈУ НА СЛАВЧО ПОПОСКИ ЗА Strugaonline.mk

 

ВО ЖИВО ГО СЛЕДИМЕ ВРЕМЕТО: Влажниот бран навгелува во Македонија

Полека од запад кон Македонија започна да навлегува најавениот влажен воздушен бран од Медитеранот и во овие предели веќе има врнежи од дожд додека снег паѓа само на највисоките планински места.

Понатаму према вечерните и ноќните часови кон утрешниот ден (вторник) врнежите ќе се прошират и во останатит епредели меѓутоа полека овој влажен бран ќе се поместува од запад према исток.

На повеќе места врнежите ќе бидат поинтензивни и се очекува да наврнат околу 10 л/м2 а локално и околу 20 л/м2 воден талог. Локално не се исклучува можноста и за развој на нестабилност проследена со пороен дожд и грмежи.

Ќе дува умерен, на некои места засилен повремено и силен ветер од јужен правец кој ќе достигнува брзина од околу или над 60 км/час. Поради падот на температурите на планините ќе има врнежи од снег.

Подготви: СЛАВЧО ПОПОСКИ!

 

Голема разлика на температурите помеѓу североисточна и јужна Европа (разлика дури за повеќе од 40 степени)

Помеѓу североисточна и јужна како и југозападна Европа владее голема температурна разлика што значи разликата на температурите помеѓу североисточна и јужна Европа е дури над 40 степени што е навистина огромна разлика.

Денес во делови од североисточна Европа се измерени ектремно ниски температури на воздухот (и до -30 степени) додека југот од Европскиот Континент вклучувајќи го и Балканскиот Полуостров имаат пролетни температури.

На следната карта можете да ја погледнете разликата на температурите на водухот во Европа:

Подготви: СЛАВЧО ПОПОСКИ!

 

ЗАСИЛЕН ЈУЖЕН ВЕТЕР, ДОЖД, СНЕГ НА ПЛАНИНИТЕ И МОЖНИ ЛОКАЛНИ ГРМЕЖИ

Веќе кажавме но уште еднашка ќе повториме дека територијата на Македонија е под влијание на силно јужно воздушно струење и на МНОГУ ТОПЛА воздушна маса која е со потекло од Северна Африка, исто така поради силното јужно струење од Сахара кон Македонија се врши транспорт на прашина и песок. Влажниот воздушен бран од Медитеранот полека се приближува кон нашата територија.

Времето во текот на претпладневните и пладневните часови ќе биде променливо облачно со сончеви периоди, невообичаено топло, спарно, мачно и ветровито. Ќе дува умерен до засилен, на некои места повремено СИЛЕН ветер од јужен правец кој ќе достигнува брзина од над 60 км/час.

Почнувајќи од попладневните часови и тоа најпрвин во западните предели ќе има врнежи од дожд кој до вечерните часови и во текот на ноќта кон утрешниот ден (вторник) ќе се прошират и во останатите предели и полека од запад ќе се преместуваат кон исток. На повеќе места врнежите ќе бидат поинтензивни и се очекува да наврнат над 10 л/м2 а локално околу или  над 20 л/м2 воден талог. Можна е и локална појава на грмежи.

Во текот на ноќта кон утрешниот ден поради продор на нешто постуден воздух на планините но и на некои од повисоките места врнежите од дожд ќе поминат во врнежи од снег.

Максималните температури на воздухот денес (понеделник) ќе се искачат во интервалот 10 до 17 степени.

Подготви: СЛАВЧО ПОПОСКИ!

 

БРЗ НО ПОИЗРАЗЕН ВЛАЖЕН БРАН СЕ ДВИЖИ КОН МАКЕДОНИЈА

И утре (06.02.2017) територијата на Македонија ќе биде под влијание на силно јужно воздушно струење  и на МНОГУ ТОПЛА воздушна маса која продира од Северна Африка и која со себе носи транспорт на прашина и песок од Сахара но и МНОГУ ВИСОКИ температури на воздухот (невообичеани за овој период од годината).

Времето во претпладневните часови ќе биде променливо облачно со сончеви периоди, невообичаено топло, спарно и ветровито. Ќе дува умерен до засилен, на некои места повремено СИЛЕН ветер од јужен правец кој ќе достигнува брзина од над 60 км/час.

Во попладневните часови почнувајќи од западните предели територијата на Македонија ќе подпаѓа под влијание на циклонска активност која брзо ќе се движи над нашата територија и која ќе донесе врнежи од дожд кој во текот на вечерните часови и во текот на ноќта кон вторник ќе се прошират и во останатите предели и истите полека ќе се поместуваат кон исток. Исто така во текот на ноќта понеделник кон вотрник на планините врнежите од дожд ќе преминат во врнежи од снег.

На повеќе места врнежите ќе бидат поинтензивни и се очекува да наврнат над 10 л/м2 додека локално и над 20 л/м2 воден талог. Можна е и локална појава на грмежи.

Максималните температури на воздухот ќе се искачат во интервалот од 9 до 16 степени додека во централните  и во југоисточните предели повторно е можно истите да бидат нешто повисоки.

Деталната временска прогноза ја подготви СЛАВЧО ПОПОСКИ

 

По екстремните студови – денес во Македонија измерени пролетни 20°C

Поради влијанието на МНОГУ ТОПЛА воздушна маса која е со потекло од Северна Африка денес во Македонија се забележани и измерени МНОГУ ВИСОКИ температури (невообичаени за овој дел од годината).

Речиси насекаде низ државава се измерени температури од над 10°C, исклучок се високите места и планините како и Скопската котлина каде поради маглата температурата остана значително пониска за разлика од другите места (под 5°C).

Најтополи градови денеска во Македонија беа Демир Капија и Гевгелија каде максималната температура на воздухот се искачи до пролетни 20°C. Исто така поради силното јужно воздушно струење од Сахара кон територијата на Македонија се врнежи транспорт на прашина и песок.

Сето ова влијае лошо кај граѓаните каде што има појава на главоболки, нервоза и тежина.

НАПОМЕНА: Поради невообичаено високите температури снежната покривка интензивно се топи со што условува зголемување на водите во речните корите и во езерата во Македонија.