ПОНАТАМОШЕН ПОРАСТ НА ТЕМПЕРАТУРИТЕ

Поради понатамошен продор на топла воздушна маса од јужните географски широчини утре (01.02.2017) времето во Македонија ќе биде променливо облачно со сончеви периоди кој локално ќе бидат подоготрајни. Преку ден ќе биде потопло од денешниот ден.

Не се исклучува можноста во западните планински предели да има повремено и сосема слабо провејување на снег.

По котлините ќе има магла и ниска облачност додека во текот на денот ќе дува слаб ветер од променлив правец.

Минималната температура ќе се спушти во интервал од -9 до 0 степени.

Максималната температура ќе се искачи во интервал од 2 до 8 степени.

Напомена: Поради порастот на дневните температури полека снежната покривка ќе започне да се топи.

Временската прогноза ја подготви СЛАВЧО ПОПОСКИ!

 

ТЕНДЕНЦИЈАТА НА ПОРАСТ НА ТЕМПЕРАТУРИТЕ ЗАПОЧНА

ТЕНДЕНЦИЈАТА НА ПОРАСТ НА ТЕМПЕРАТУРИТЕ ЗАПОЧНА

Атлантикот полека се буди (значи таму почести овие денови ќе бидат циклонските активности), сето тоа кај нас ќе предизвика продор на топла воздушна маса од јужните географски широчини и истата веќе полека но сигурно се осеќа и порастот на температурите насекаде во Македонија е започнат.

Претпладнево времето во Македонија на повеќе места е умерено до значително облачно а по одделни котлини има магла и ниска облачност. Претежно ведро е само во крајниот северозападен дел од државава додека во југозападните предели освен зголемената облачност има и повремени сончеви периоди.

Мерните станици на Управата за Хидрометеоролошки работи (УХМР) кои се наоѓаат низ државава утринава ги измерија следните минимални температурину вреднсоти:

-9 Маврово, -7 Тетово, -6 Берово, Пожаране, -5 Лазарополе, -4 Куманово, Кр. Паланка, -3 Дебар, Ѓуриште, Крушево, -2 Тополчани, -1 Скопје, Битола, Скопје Петровец, 0 Прилеп, Штип, Виница, Претор, Охрид, 1 Струмица, 2 Гевгелија, Дојран, Д. Капија.

ВРЕМЕТО ДО КРАЈОТ НА ДЕНЕШНИОТ ДЕН:

До крајот на денешниот ден (вторник) времето во Македонија ќе се задржи променливо облачно со сончеви периоди додека локално ќе има и постачителна облачност со што не се исклучува можноста за сосема слабо провејување на снег додека на некои ниски места можен е слаб дожд и снег. По одделни котлини ќе има слаба магла и ниска облачност.

Ќе дува слаб до умерен ветер од југоисточен правец.

Температурата ќе се искачи во интервал од 0 до 6 степени.

Временската прогноза за до крајот на денешниот ден ја подготви СЛАВЧО ПОПОСКИ!

 

СЛАВЧО ПОПОСКИ: Атлантикот конечно се активира што значи кај нас времето ќе затоплува и снегот ќе се топи

Како што и веќе е најавено до крајот на оваа седмица територијата на Македонија но и поголемиот дел од Европскиот Континент ќе подпадне под влијание на топла воздушна маса од југ што значи јужно воздушно струење и релативно високи температури на воздухот кој ќе бидат над просекот.

Сево ова е поради тоа што во следните денови Атлантикот ќе биде нешто поактивен (под циклонска активност) па ова над нашите краишта ќе услови продор на топла воздушна маса од јужните географски широчини која ќе предизвика топење на снежната покривка насекаде во Македонија но и во поголемиот дел од Европа.

Сепак и покрај ова во следните неколку денови по котлините ќе има магла и ниска облачност а температурите од ден на ден ќе бидат се повисоки и максималните температури за време на викендот кој што доаѓа ќе се искачат во интервал од 7 до 13 степени со што истите ќе бидат и веќе над просекот. На местата со магла  и ниска облачност температурите ќе останат нешто пониски.

Во значителен пораст ќе бидат и минималните (утрински) температури кои до крајот на оваа седмица ќе се спуштат во интервал од -3 до 2 степени.

Мора да се напомене дека до четврток минималните (утрински) температури сеуште ќе бидат под нула степени на повеќе места и ќе се спуштат во интервал од -10 до 0 степени а на некои места не се исклучува можноста истите да се спуштат и нешто под -10 степени што значи дека поголем пораст на минималните температури ќе има од петок.

Утре (втоник) сеуште на некои места ќе има услови за провејување на сосема сллаб снег додека на некои од пониските межна можно е проврнување на слаб дожд и снег додека во среда слабо провејување на снег можно е на планините во западните предели.

Од петок (03.02.2017) се очекуваат локални послаби врнежи од дожд додека снег ќе има само на високите планини.

НАПОМЕНА: Поради затоплувањето во следните денови насекаде ќе има топење на снежната покривка.

ДЕТАЛНА АНАЛИЗА ЗА ВРЕМЕТО НА СЛАВЧО ПОПОСКИ!

 

До крајот на денешниот ден (понеделник) вакво време ќе имаме

Територијата на Македонија е под влијание на висок воздушен притисок но не и на целосно стабилна воздушна маса.

Времето денес (30.01.2017) ќе биде умерено облачно со сончеви периоди кои ќе бидат особено подолги во северните и локално во западните предели. Ќе биде претежно тивко.

По котлините особено во претпладневните часови и повторно во ноќните часови кон утрешниот ден (вторник) ќе има магла и ниска облачност.

Локално не се исклучува можноста и за сосема слабо провејување на снег.

Температурата ќе се искачи во интервал од 0 до 6 степени додека во местата со магла и со ниска облачност температурите ќе бидат пониски.

Временската прогноза ја подготви СЛАВЧО ПОПОСКИ!

 

Минималните температури сеуште МНОГУ НИСКИ но далеку повисоки од оние што ги имавме минатите денови

По екстремно ниските минимални температури кои ги имавме изминатиот период и кои се спуштаа под -20 степени првиот ден од оваа седмица повторно донесе МНОГУ НИСКИ минимални температури но истите се далеку повисоки од оние ектремните од изминатите денови.

Времето во текот на ноќта и претпладнево во Македонија е ведро претежно во северните и западните предели додека во јужните и во југоисточните предели како и во Скопската котлина има позначителна облачност. Локално во јужните предели имаше и провејување на слаб снег додека по одделни котлини има магла и ниска облачност.

Мерните станици на Управата за Хидрометеоролошки работи (УХМР) кои се наоѓаат низ Македонија ова понеделничко утро ги измерија следните минимални температурни вредности низ државава:

-13 Тетово, -11 Скопје Петровец, -10 Маврово, -8 Скопје, -7 Берово, -6 Кр. Паланка, Куманово, Пожаране, -4 Виница, Крушево, Лазарополе, Битола, -3 Дебар, Штип, Тополчани, Ѓуриште, Д. Капија, -2 Прилеп, -1 Претор, Струмица, 1 Охрид, Гевгелија, 2 Дојран.

Висина на снежна покривка низ Македонија измерена (30.01.2017)

2 Штип, 3 Прилеп, 4 Претор, 5 Тополчани, 8 Кр. Паланка, 10 Струмица, 14 Скопје Петровец, 16 Скопје, 17 Д. Капија, 21 Тетово, Берово, 23 Битола, 28 Крушево, 38 Лазарополе, 40 Пожаране, 43 Ѓуриште, 64 Маврово.

УБАВИНИТЕ НА МАКЕДОНИЈА: Свети Наум – Охрид

Црквата е тука, на ова место и постои со векови. Ова е она на што треба да бидеме горди, ова е историјата која никој не може да ни ја оспори и одземе.

Црквата Света Богородица Захумска која меѓу местното население и пошироката јавност е позната само како Заум се наоѓа веднаш крај самиот источен брег на потегот помеѓу селата Трпејца и Љубаништа. Се наоѓа на оддалеченост од 20 км од Охрид, на брегот на езерото, во подножјето на планината Галичица и во непосредната близина на рибарското село Трпејца[1]. Сместена е во многу тешко пристапно место под карпестиот гребен на Галичица наречен Голем Осој (висок 1005 м.н.в.) веднаш непосредно на самиот брег до водите на Охридското Езеро на надморска височина од 695 метри. Веднаш над самата црква од исток се издигнуваат стрмни карпи, додека пред црквата во непосредна близина на запад се наоѓа и местото со најдлабоката точка на Охридското Езеро. До црквата се стигнува само по воден пат со чамец. Во поново време за потребите на изградбата на манастирскиот конак е пробиена и пешачка патека долга околу 30ина минути која се искачува по гребенот и одејќи низ шумата се спушта до самото езеро, при што последните стотина метри мора да се пешачи во езерските води. Поради близината, црквата спаѓа во атарот на селото Трпејца, чии жители водат грижа за неа, а моментално и работат на изградба на конакот крај самиот храм.

Црквата е изградена е под еден рид кој вертикално се спушта до езерскиот брег, на место коешто е речиси недостапно од копното. Според зачуваниот натпис кој се наоѓа над влезната врата, црквата е подигната во 1299 година, а е насликана со фрескоживопис во 1361 година од ќесарот Гргур за време на деволскиот епископ Григорие.

ВИДЕО: https://www.youtube.com/watch?v=shPgaUHCHFc

 

УХМР: ХИДРОЛОШКА ИНФОРМАЦИЈА за состојба со мониторингот на Охридското Езеро

За анализа на хидролошките карактеристики на Охридското Езеро се користат податоци од водомерната станица во Охрид чија локацијата е во близина на Охридското пристаниште. Нејзината нула е поставена на кота 693,17m.
Апсолутно забележаниот максимум кај Охридското Езеро бил регистриран на 22 февруари 1963 година со H = 142cm, додека апсолутен забележан минимум H = -17cm (или кота 693.00 m), е регистриран на 29 октомври 1990 година. Апсолутната амплитуда изнесува 159cm. Дозволениот минимум на нивото на езерото е со водостој од H=-7 cm (или кота од 693.10 m).
Сосотојбата на водосотојот се следи со секојдневно мониторирање на промените на нивото во однос на водомерната летва (со набљудувач), но и дополнително со автоматскиот инструмент кој податоците ги доставува на интернет. За информација има поставен дисплеј во близина на станицата кој е новина во нашиот мониторинг систем и преставува новитет во начинот на информирање.
Во изминативе две недели се вршат проверки на квалитетот на мерењата како на дисплејот, така и на автоматската станица во споредба со измерениот од страна на нашиот набљудувач. Од проверките е установено дека нивото на водата презентирана на дисплејот е со разлика од 13 cm во однос на податоците од набљудувачот, имено денеска измерениот водостој од страна на набљудувачот изнесува -3 cm, а на панелот биле забележани -0,16 m. Во исто време ја бележиме и разликата на температурата на водата која измерена на станицата од страна на набљудувачот била 5.0 oC , а на дисплејот била околу 1 oC.
Поради овие разлики, следниве неколку дена, дисплејот ќе биде оставен да работи со надеж дека ќе може да се отклонат грешките во електрониката, а доколку тоа не можно истиот ќе биде привремено исклучен до негово детално сервисирање.
Поради контрола на водостојот, а и на температурата на водата, веќе утре во Охрид ќе биде испратена екипа од хидролози да ја проверат автентичноста на податоците.
м-р Васко Стојов дипл.град.инж.-хидро
Раководител на Одделение за хидрологија на површински води
Директор
м-р Оливер Ромевски

Meteomax.mk!

 

СЛАВЧО ПОПОСКИ: Важни совети но и нови случувања околу временската состојба во Македонија за следните денови

Во првите 2-3 дена од новата седмица територијата на Македонија и понатаму ќе биде под влијание на визок воздушен притисок па така условите з амагла по котлините и тоа како ќе се зголемат па поради тоа на возачите овие денови им препорачуваме крајно да внимаваат како управуваат со своите возила.

Значи времето во првите 2-3 денови од седмицата која ни претстои ќе биде умерено облачно со сончеви периоди кој на некои места се очекува истите да бидат и нешто подолги. По котлините ќе има магла и ниска облачност која локално можно е да биде и нешто погуста.

Само локално сеуште ќе има услови за сосема слабо провејување на снег.

Ќе биде претежно тивко или ќе дува слаб ветер претежно од југоисточен правец.

Температурите во следните денови ќе бележат тенденција на покачување како утринските така и дневните. Сево ова е поради јужното воздушно струење кое ќе настапи во текот на неделата која ни претстои.

Некаде до средината на неделата минималните температури ќе се движат во интервал од -8 до -1 степен додека на некои места истите е можно да се спуштат до околу -10 степени што значи полека минималните температури ќе се покачуваат.

Максималните температури ќе се движат некаде во интервалот од -1 до 5 степени додека веќе од средината на неделата ќе започнат да се покачуваат.

Мора да се напомене дека на тие места каде што ќе има магла и ниска облачност температурите на воздухот ќе бидат значително пониски.

Гледано според моменталните анализи и информации со кои располагаме веќе кон крајот на неделата максималните температури ќе се движат во интервал од 7 до 13 степени што значи веќе температурите ќе бидат и малку натрпосечни (значи повисоки за овој дел од годината).

Во пораст ќе бидат и минималните температури кои ќе се спуштат во интервал од -4 до 2 степени што значи дека понекаде и минималните температури веќе ќе останат во позитива (малку над нулата).

Во петок и во сабота ќе има услови и за повремени локални врнежи од дожд и снег на повисоките планини (врнежите ќе бидат слаб до умерен интензитет).

Со оглед дека оваа прогноза се однесува за цела недела која ни претстои истата може и да се менува по потреба па затоа следете ги нашите редовни информации кои ви ги доставуваме на сите вас.

ДЕТАЛНА АНАЛИЗА НА ВРЕМЕТО ОД СЛАВЧО ПОПОСКИ!

 

Магла и ниска облачност по котлините – погледнете што ни носи првиот ден од новата седмица

И утре (30.01.2017) територијата на Македонија и натаму ќе биде под влијание на висок воздушен притисок што ќе услови времето да биде умерено облачно со сончеви периоди кој на некои места ќе бидат и подолги. Само локално на некои места не се исклучува можноста за сосеба слабо провејување на снег.

Ќе биде тивко а по котлините ќе има магла и ниска облачност.

Минималната температура ќе се спушти во интервал од -12 до -2 степени додека на некои места повтоно не се исклучува истите да се спуштат до околу -15 степени.

Максималната температура ќе се искачи во интервал од -1 до 5 степени додека во местата со магла и со ниска облачност температурите ќе бидат значително пониски.

Временската прогноза ја подготви СЛАВЧО ПОПОСКИ!

 

До крајот на денешниот ден локално провејување на слаб снег

Во текот на денешниот ден од југ и од југозапад над територијата на Македонија ќе поминува облачна воздушна маса која ќе донесе локално провејување на слаб снег и тоа особено во јужните предели.

Ќе биде претежно тивко.

Температурата ќе се движи во интервал од -1 до 6 степени.

И понатаму еден од најстудените градови ќе биде  и главниот град Скопје каде температурата во текот на целиот ден е можно д асе задржи под нулата.

Временската прогноза ја подготви СЛАВЧО ПОПОСКИ!